SPA mərkəzimiz müalicə korpusu ilə eyni binadadır, ona görə vanna və fizioterapiya seansları arasında dincəlmək üçün otelden çıxmağa ehtiyac yoxdur. Xidmətlərin bir hissəsi qalma paketinə daxildir, bir hissəsi isə ayrıca sifariş olunur.
Paketə daxil olan zonalar:
- Fin saunası və buxar otağı
- Türk hamamı
- Duş Şarko
- Qapalı isidilən hovuz
- Fitnes və idman zalı
- Yoqa və rahatlaşdırıcı məşğələlər
Ayrıca sifariş olunan prosedurlar:
- Daş masajı (hot stone) — hamarlaşdırılmış bazalt daşları qızdırılıb bədənin müəyyən nahiyələrinə tətbiq olunur; istilik əzələlərin rahatlamasına və masajın daha yumşaq hiss edilməsinə kömək edir
- Kisə-köpük masajı — türk hamamı ənənəsindən gələn prosedur: bədən isti buxarla yumşaldılır, xüsusi kisə ilə ölü dəri təmizlənir, sonra bol köpüklə yumşaq masaj edilir
- Qəhvə skrabı və anti-selülit skrab — dərinin səthinin təmizlənməsi və daha hamar görünüşün dəstəklənməsi üçün
- Şokolad maskası — xoş aromalı, dərini yumşaldan rahatlaşdırıcı prosedur
- Klassik və müalicəvi masaj — həkim proqramına uyğun olaraq lokal və ya ümumi
- Saç baxımı — naftalan əsaslı məhsullarla təmizləmə, nəmləndirmə və maska
Masaj seansları müalicə kursu ilə uzlaşdırılır: naftalan vannası ilə eyni günə düşən intensiv masaj təyin olunmur. Hansı prosedurun sizə uyğun olduğunu gəlişdəki konsultasiyada həkim müəyyənləşdirir.
Bu xidmətə daxil olan prosedurlar
Ümumi bədən rahatlığını təmin edən, qan dövranını sürətləndirən və əzələ gərginliyini azaldan ən populyar masaj növüdür. Peşəkar masaj mütəxəssisləri tərəfindən, keyfiyyətli masaj yağları ilə həyata keçirilir.
Həkim proqramına uyğun olaraq lokal (bel, boyun, çiyin) və ya ümumi formada təyin edilə bilər.
Bədəni və zehni dincəltmək, gündəlik stress və yorğunluğu aradan qaldırmaq üçün yüngül və orta təzyiqlə edilən rahatlaşdırıcı prosedurdur. Xüsusi aromatik yağlar və xəfif ritmik toxunuşlar tətbiq olunur.
Müalicə kursunun ağır günlərindən sonra, axşam saatlarına planlaşdırılması tövsiyə olunur.
Baş masajı gərginliyin azalmasına, rahatlıq hissinin artmasına və qan dövranının yaxşılaşmasına kömək edir. Baş dərisinin qan dövranını artıraraq saç köklərini qidalandırır.
Yumşaq təzyiq və dairəvi hərəkətlər ümumi sakitlik hissi yaradır; masaj zamanı sinir sistemi rahatlayır, bu da yuxunun keyfiyyətinə müsbət təsir edə bilər. Xüsusilə migren və gərginlikdən qaynaqlanan baş ağrılarında yüngülləşmə verə bilər.
Antisellülit masajı dərinin altındaki qan dövranını sürətləndirir, oksigen daşınmasını artırır və yağ toxumalarının parçalanmasına kömək edir.
Qan və limfa dövranını gücləndirir, hüceyrələrin oksigenlə təminatını artırır, dərinin elastikliyini və hamarlığını dəstəkləyir. Kurs şəklində, adətən limfodrenaj seansları ilə birlikdə aparılır.
Daş masajı xüsusi hamarlaşdırılmış, əsasən bazalt daşlarının qızdırılaraq bədənin müəyyən nahiyələrinə tətbiq edilməsi ilə aparılır. İsti daşların verdiyi istilik əzələlərin rahatlamasına və masajın daha komfortlu hiss edilməsinə kömək edir.
Əzələ gərginliyinin və yoğunluq hissinin azalmasına, rahatlıq və sakitlik hissinin artmasına kömək edir.
Kisə-köpük masajı türk hamamı ənənəsindən gələn, bədənin dərindən təmizlənməsinə və rahatlanmasına yönəlmiş SPA prosedurudur.
Prosedur üç mərhələdən keçir: əvvəlcə bədən isti buxarla yumşaldılır, sonra xüsusi kisə ilə dərinin səthindəki ölü hüceyrələr təmizlənir, ən sonda bol köpüklə yumşaq masaj edilir. Nəticədə bədəndə yüngüllük və rahatlıq hissi yaranır.
Bədən dərisinin pilinqi üçün tətbiq olunan qəhvə skrabı dərinin səthinin təmizlənməsinə, daha hamar və təravətli görünməsinə kömək edir.
Adətən masaj və ya bədən maskası ilə birlikdə, ardıcıl prosedur kimi planlaşdırılır.
Bədən dərisinə qulluq və daha hamar dəri görünüşünü dəstəkləmək məqsədilə tətbiq olunur. Antisellülit masajı ilə birlikdə kurs şəklində planlaşdırılan zaman daha yaxşı nəticə verir.
Bədən dərisinin yumşaq və baxımlı hiss olunmasına kömək edən, xoş şokolad aroması ilə rahatlaşdırıcı prosedurdur.
Adətən skrabdan sonra tətbiq olunur — dəri təmizləndikdən sonra maskanın təsiri daha yaxşı hiss olunur.
Saç baxımı saçların sağlam, təmiz, parlaq və güclü qalması üçün edilən təmizlik, qidalandırma və qoruma işlərini əhatə edir.
Proqrama saç tipinə uyğun şampun seçimi (naftalan məhsullarından istifadə ilə), kondisioner və balzam tətbiqi, maska və yağlarla gücləndirmə, həmçinin zərərli istilikdən qorunma daxildir.
